ನವ ದೆಹಲಿ: ಉತ್ತರ ಗಾಝಾದಲ್ಲಿ ಸುರಕ್ಷಿತ ಕಾರಿಡಾರ್ಗಾಗಿ,ಮತ್ತು ನಿವಾಸಿಗಳಿಗೆ ಸಮುದ್ರ ತೀರದ ಪ್ರದೇಶದ “ಸುರಕ್ಷಿತ” ದಕ್ಷಿಣ ಭಾಗಕ್ಕೆ ಹೋಗಲು ಅವಕಾಶ ಮಾಡಿಕೊಡುವ ಇಸ್ರೇಲಿ ಸೇನೆ ನಿಗದಿ ಪಡಿಸಿದ್ದ ಗಡುವು ಅವಧಿ ಇಂದು ಮಧ್ಯಾಹ್ನ 3.30 ಕ್ಕೆ ಕೊನೆಗೊಂಡಿತು. ಪಡೆಗಳು ಗಾಜಾ ಪಟ್ಟಿಯ ಮೇಲೆ ಸ್ಥಳೀಯ ದಾಳಿಗಳನ್ನು ನಡೆಸುತ್ತಿದ್ದರೂ, ಇಸ್ರೇಲಿ ಪಡೆಗಳು ಈಗ ಅವರ ರಾಜಕೀಯ ನಾಯಕತ್ವವು ಸಂಪೂರ್ಣ ನೆಲ ಆಕ್ರಮಣಕ್ಕೆ ಕರೆ ನೀಡಲು ಕಾಯುತ್ತಲಿದೆ.
ಎಕ್ಸ್ ನಲ್ಲಿನ ಪೋಸ್ಟ್ನಲ್ಲಿ, ಇಸ್ರೇಲ್ ರಕ್ಷಣಾ ಪಡೆಗಳು (ಐಡಿಎಫ್),ಪ್ರಸ್ತುತ ಈ ಕಾರಿಡಾರ್ನಲ್ಲಿ ಬೆಳಿಗ್ಗೆ 10 ರಿಂದ ಮಧ್ಯಾಹ್ನ 1 ರವರೆಗೆ ಯಾವುದೇ ಕಾರ್ಯಾಚರಣೆಯನ್ನು ಪ್ರಾರಂಭಿಸುವುದಿಲ್ಲ ಎಂದು ಹೇಳಿಕೆ ನೀಡಿದೆ.
ಗಾಝಾ ನಗರ ಮತ್ತು ಉತ್ತರ ಗಾಝಾದ ನಿವಾಸಿಗಳು, ಕಳೆದ ದಿನಗಳಲ್ಲಿ, ನಿಮ್ಮ ಸುರಕ್ಷತೆಗಾಗಿ ದಕ್ಷಿಣ ಪ್ರದೇಶಕ್ಕೆ ಸ್ಥಳಾಂತರಿಸಲು ನಾವು ನಿಮ್ಮನ್ನು ಒತ್ತಾಯಿಸಿದ್ದೇವೆ. ರಾತ್ರಿ 10 ರಿಂದ ಈ ಮಾರ್ಗದಲ್ಲಿ ಐಡಿಎಫ್ ಯಾವುದೇ ಕಾರ್ಯಾಚರಣೆಯನ್ನು ಕೈಗೊಳ್ಳುವುದಿಲ್ಲ ಎಂದು ನಾವು ನಿಮಗೆ ತಿಳಿಸಲು ಬಯಸುತ್ತೇವೆ ಎಂದು ಮಧ್ಯಾಹ್ನ 1 ಗಂಟೆಗೆ ಇಸ್ರೇಲಿ ಮಿಲಿಟರಿ ಹೇಳಿದೆ.
ಈ ಮುಕ್ತ ಸಮಯದಲ್ಲಿ, ಉತ್ತರ ಗಾಝಾದಿಂದ ದಕ್ಷಿಣಕ್ಕೆ ಚಲಿಸಲು ದಯವಿಟ್ಟು ಅವಕಾಶವನ್ನು ತಮ್ಮದಾಗಿಸಿಕೊಳ್ಳಿ” ಎಂದು ಸೇನೆ ಹೇಳಿದೆ.
ಗಾಝಾ ನಿವಾಸಿಗಳ ಸುರಕ್ಷತೆ ಮತ್ತು ಅವರ ಕುಟುಂಬಗಳ ಸುರಕ್ಷತೆ ಮುಖ್ಯವಾಗಿದೆ ಎಂದು ಐಡಿಎಫ್ ಹೇಳಿದೆ.
ದಯವಿಟ್ಟು ನಮ್ಮ ಸೂಚನೆಗಳನ್ನು ಅನುಸರಿಸಿ ಮತ್ತು ದಕ್ಷಿಣದ ಕಡೆಗೆ ಹೋಗಿ. ಖಚಿತವಾಗಿರಿ, ಹಮಾಸ್ ನಾಯಕರು ಈಗಾಗಲೇ ತಮ್ಮ ಮತ್ತು ಅವರ ಕುಟುಂಬಗಳ ಸುರಕ್ಷತೆಯನ್ನು ಖಾತ್ರಿಪಡಿಸಿದ್ದಾರೆ” ಎಂದು ಸೇನೆ ಹೇಳಿದೆ.
ಇಂದು ಮುಂಜಾನೆ, ಇಸ್ರೇಲಿ ಸೇನೆ, ಹಮಾಸ್ ಗುಂಪುಗಳು ಜನರು ದಕ್ಷಿಣ ಗಾಝಾಕ್ಕೆ ಹೋಗುವುದನ್ನು ತಡೆಯುವ ಫೋಟೋಗಳನ್ನು ಬಿಡುಗಡೆ ಮಾಡಿದೆ. ಹಮಾಸ್ ಗುಂಪು ಮಾನವರನ್ನು ಗುರಾಣಿಗಳಾಗಿ ಬಳಸುತ್ತಿದೆ ಎಂದು ಆರೋಪಿಸಲಾಗಿದೆ.
ಇಸ್ರೇಲ್, ಬಾಂಬ್ ದಾಳಿ ನಡೆಸುತ್ತದೆ ಎಂದು ತಿಳಿದಿರುವ ಸ್ಥಳಗಳಲ್ಲಿ ಹಮಾಸ್ ಉದ್ದೇಶಪೂರ್ವಕವಾಗಿ ಒತ್ತೆಯಾಳುಗಳನ್ನು ಇರಿಸುತ್ತಿದೆ ಎಂದು ದೇಶದ ಮಾಜಿ ರಾಷ್ಟ್ರೀಯ ಭದ್ರತಾ ಸಲಹೆಗಾರ ನಿನ್ನೆ ಮಾಧ್ಯಮಕೆ ತಿಳಿಸಿದ್ದಾರೆ. ಇಸ್ರೇಲಿ ವೈಮಾನಿಕ ದಾಳಿಯಲ್ಲಿ ಗಾಝಾ ದಲ್ಲಿ ಇನ್ನೂ ಒಂಬತ್ತು ಇಸ್ರೇಲಿ ಒತ್ತೆಯಾಳುಗಳನ್ನು ಕೊಲ್ಲಲಾಗಿದೆ ಎಂಬ ಹಮಾಸ್ ಹೇಳಿಕೆಗೆ ಪ್ರತಿಕ್ರಿಯೆಯಾಗಿ ಇಯಾಲ್ ಹುಲಾಟಾ ಅವರ ಈ ರೀತಿ ಹೇಳಿದ್ದಾರೆ.
ಇಸ್ರೇಲಿ ಪಡೆಗಳು, ದೇಶದ ಇತಿಹಾಸದಲ್ಲಿಯೇ ಅತ್ಯಂತ ರಕ್ತಸಿಕ್ತ ದಾಳಿಯನ್ನು ಮಾಡಿದ ಪ್ಯಾಲೇಸ್ಟಿನಿಯನ್ ಗುಂಪಾದ ಹಮಾಸ್ ಅನ್ನು ನಾಶಮಾಡುವ ಗುರಿಯನ್ನು ಹೊಂದಿರುವ ಗಾಝಾ ನೆಲದ ಆಕ್ರಮಣಕ್ಕೆ ಸಿದ್ಧವಾಗಿವೆ.
ಹಮಾಸ್ ಬಂದೂಕುಧಾರಿಗಳು ತನ್ನ ಭಯೋತ್ಪಾದಕ ದಾಳಿಯಲ್ಲಿ 1,300 ಕ್ಕೂ ಹೆಚ್ಚು ಇಸ್ರೇಲಿಗಳನ್ನು ಕೊಂದ ನಂತರದ ಎಂಟು ದಿನಗಳಲ್ಲಿ, ಇಸ್ರೇಲ್ ಗಾಝಾದಲ್ಲಿ 2,300 ಕ್ಕೂ ಹೆಚ್ಚು ಜೀವಗಳನ್ನು ಬಲಿ ಪಡೆದ ವಿನಾಶಕಾರಿ ಬಾಂಬ್ ದಾಳಿಯ ಮೂಲಕ ಪ್ರತಿಕ್ರಿಯಿಸಿದೆ.
ಸಂಪೂರ್ಣ ಗಾಝಾ ನಗರದ ಪ್ರದೇಶಗಳು ಅವಶೇಷಗಳಲ್ಲಿ ಬಿದ್ದಿವೆ ಮತ್ತು ಆಸ್ಪತ್ರೆಗಳು, ಮುತ್ತಿಗೆ ಹಾಕಿದ ಪ್ರದೇಶದಲ್ಲಿನ ಸಾವಿರಾರು ಗಾಯಾಳುಗಳಿಂದ ತುಂಬಿ ತುಳುಕುತ್ತಿವೆ, ಆದರೆ ಅದು ಇನ್ನೂ ಕೆಟ್ಟದಾದ ಪರಿಸ್ಥಿತಿಗೆ ತಲುಪಲಿದೆ ಎಂಬ ಭಯವಿದೆ ( ಕೃಪೆ: ಎನ್. ಡಿ.ಟಿ.ವಿ ಡಾಟ್ ಕಾಮ್)
ಇನ್ನಷ್ಟು ವರದಿಗಳು
ದಕ್ಷಿಣ ಲೆಬನಾನ್ ಮೇಲೆ ಇಸ್ರೇಲ್ ದಾಳಿ,ಇಸ್ರೇಲ್ ಗುರಿಯಾಗಿಸಿ ಇಝ್ ಬುಲ್ಲಾ ರಾಕೆಟ್ ಪ್ರತಿದಾಳಿ.
ಒಲಿಂಪಿಕ್ ಸ್ಪರ್ಧೆ: ವಿನೇಶ್ ಫೋಗಟ್ ಅನರ್ಹ, ಪ್ಯಾರಿಸ್ ಭಾರ ಕುಸ್ತಿಯಲ್ಲಿ ಪದಕ ರಹಿತ.
ಶೇಖ್ ಹಸೀನಾ ರಾಜೀನಾಮೆ: ಮಾಜಿ ಬಾಂಗ್ಲಾ ಪ್ರಧಾನಿ ಶೇಖ್ ಹಸೀನಾ ಗುಪ್ತ ಏರ್ಬೇಸ್ನಲ್ಲಿ ಎನ್ಎಸ್ಎ ಅಜಿತ್ ದೋವಲ್ ರನ್ನು ಭೇಟಿ.