ಇಸ್ರೇಲಿ ಪಡೆಗಳು ಗಾಝಾ ನಗರಕ್ಕೆ ಹತ್ತಿರವಾಗಿ ಮುನ್ನಡೆಯಲು ಪ್ರಯತ್ನಿಸುತ್ತಿರುವಾಗ ಅವರ ಪ್ರವೇಶವನ್ನು ತಡೆದು ಎದುರಿಸುತ್ತಿದೆ ಎಂದು ಅಲ್-ಕಸ್ಸಾಮ್ ಬ್ರಿಗೇಡ್ಸ್ ತನ್ನ ಹೇಳಿಕೆ ನೀಡಿದೆ.
ಉತ್ತರದಲ್ಲಿರುವ ಜಬಾಲಿಯಾ ನಿರಾಶ್ರಿತರ ಶಿಬಿರದಲ್ಲಿ ಮತ್ತು ಪಶ್ಚಿಮ ಗಾಝಾದ ಸಾಬ್ರಾದಲ್ಲಿ ರಾತ್ರಿಯಿಡೀ ಇಸ್ರೇಲಿ ನಡೆಸಿದ ತೀವ್ರವಾದ ಬಾಂಬ್ ದಾಳಿಯಲ್ಲಿ ಡಜನ್‌ಗಟ್ಟಲೆ ಪಲೆಸ್ಟೀನಿಯನ್ನರು ಕೊಲ್ಲಲ್ಪಟ್ಟರು.
80 ಕ್ಕೂ ಹೆಚ್ಚು ದೇಶಗಳು ಮತ್ತು ಸಂಸ್ಥೆಗಳ ನಿಯೋಗಗಳು ಫ್ರಾನ್ಸ್‌ನಲ್ಲಿ ಅಧಿವೇಶನ ಸೇರಿ ಗಾಝಾ ನಾಗರಿಕರಿಗೆ ಸಹಾಯವನ್ನು ಒದಗಿಸುವ ನಿಟ್ಟಿನಲ್ಲಿ ನಡುವೆ ಇಸ್ರೇಲ್‌ನ ಗಾಜಾ ಸ್ಟ್ರಿಪ್‌ನ ಬಾಂಬ್‌ದಾಳಿಗಳ ನಡುವೆ ಮಾನವೀಯ ಕಡಲ ಕಾರಿಡಾರ್ ಮತ್ತು ಫ್ಲೋಟಿಂಗ್ ಫೀಲ್ಡ್ ಆಸ್ಪತ್ರೆಗಳ ಪ್ರಸ್ತಾಪಗಳೊಂದಿಗೆ ಮುಂದೆ ಬಂದಿದೆ. ಅಧ್ಯಕ್ಷ ಮ್ಯಾಕ್ರನ್ ಆ ಸಮ್ಮೇಳನದಲ್ಲಿ ಮಾತು ಪ್ರಸ್ತಾಪ ಮಾಡಿದ್ದಾರೆ.
ಕತಾರ್, ಈಜಿಪ್ಟ್ ಮತ್ತು ಅಮೆರಿಕಾದ ಮದ್ಯೆ ಮಧ್ಯವರ್ತಿ ಮಾತುಕತೆಗಳು ನಡೆಯುತ್ತಿದ್ದು ಗಾಝಾದಲ್ಲಿ ಸುಮಾರು ಒಂದು ಡಜನ್ ಬಂಧಿಗಳ ಬಿಡುಗಡೆಗೆ ಬದಲಾಗಿ ಮೂರು ದಿನಗಳ ಮಾನವೀಯ ಕದನ ವಿರಾಮಕ್ಕೆ ಪ್ರಯತ್ನ ನಡೆಯುತ್ತಿವೆ.
ಗಾಝಾ ದಲ್ಲಿರುವ ಅಲ್-ಕುಡ್ಸ್ ಆಸ್ಪತ್ರೆಯಲ್ಲಿ ಇಂಧನ ಖಾಲಿಯಾಗಿದೆ ಮತ್ತು ಅದರ ಪ್ರಮುಖ ಕಾರ್ಯಾಚರಣೆಗಳನ್ನು ಸ್ಥಗಿತಗೊಳಿಸಿದೆ ಎಂದು ವರದಿಯಾಗಿದೆ.
ಉತ್ತರದಲ್ಲಿರುವ ಜಬಾಲಿಯಾ ನಿರಾಶ್ರಿತರ ಶಿಬಿರ ಮತ್ತು ಪಶ್ಚಿಮ ಗಾಜಾದ ಸಾಬ್ರಾ ಮೇಲೆ ರಾತ್ರಿಯ ಇಸ್ರೇಲಿ ಬಾಂಬ್ ದಾಳಿಯು ಡಝನ್ ಗಟ್ಟಲೆ ಜನರನ್ನು ಕೊಂದಿವೆ ಎಂದು ಮೂಲಗಳು ತಿಳಿಸಿವೆ.
ಪಲೇಸ್ಟಿನಿಯನ್ ರೆಡ್ ಕ್ರೆಸೆಂಟ್ ಸೊಸೈಟಿಯ ಪ್ರಕಾರ, ಒಟ್ಟು 106 ಸಹಾಯ ಟ್ರಕ್‌ಗಳು ಮತ್ತು ಆಂಬ್ಯುಲೆನ್ಸ್‌ಗಳು ಬುಧವಾರ ರಫಾ ಕ್ರಾಸಿಂಗ್ ಮೂಲಕ ಗಾಝಾವನ್ನು ಪ್ರವೇಶಿಸಿದವು, ಸರಬರಾಜು ಇನ್ನೂ ಎನ್‌ಕ್ಲೇವ್‌ನ ಅಗತ್ಯಗಳನ್ನು ಪೂರೈಸಲು ಸಾಕಾಗುವುದಿಲ್ಲ ಎಂದು ಹೇಳಿದೆ.
ಇಸ್ರೇಲ್ ‘ಎಲ್ಲಾ ಮಾನವೀಯ ಮೌಲ್ಯಗಳನ್ನು ಪುಡಿಮಾಡುತ್ತಿದೆ’ : ಟರ್ಕಿ.
ಅಕ್ಟೋಬರ್ 7 ರಿಂದ 10,000 ಕ್ಕೂ ಹೆಚ್ಚು ಜನರನ್ನು ಕೊಂದಿರುವ ಗಾಝಾದ ಮೇಲಿನ ದಾಳಿಯನ್ನು ಮುಂದುವರೆಸಿರುವ ಇಸ್ರೇಲ್ “ಎಲ್ಲಾ ಮಾನವೀಯ ಮೌಲ್ಯಗಳನ್ನು ಪುಡಿಮಾಡುತ್ತಿದೆ” ಎಂದು ಟರ್ಕಿಯ ಅಧ್ಯಕ್ಷ ಎರ್ಡೊಗನ್ ಹೇಳಿದ್ದಾರೆ.
“ಇಸ್ರೇಲ್, ಶಾಲೆಗಳು, ಮಸೀದಿಗಳು, ಚರ್ಚ್‌ಗಳು, ಆಸ್ಪತ್ರೆಗಳ ಮೇಲೆ ಬಾಂಬ್ ದಾಳಿಯನ್ನು ಮುಂದುವರೆಸಿದೆ, ಎಲ್ಲಾ ಮಾನವೀಯ ಮೌಲ್ಯಗಳನ್ನು ಪುಡಿಮಾಡುತ್ತಿದೆ” ಎಂದು ಎರ್ಡೋಗನ್ ಹೇಳಿದರು, ಕೊಲ್ಲಲ್ಪಟ್ಟವರಲ್ಲಿ 73 ಪ್ರತಿಶತ ಮಹಿಳೆಯರು ಮತ್ತು ಮಕ್ಕಳು ಸೇರಿದ್ದಾರೆ.
ಈಜಿಪ್ಟ್‌ನ ಸಹಾಯದಿಂದ ಟರ್ಕಿಯು 230 ಟನ್‌ಗಳಷ್ಟು ಮಾನವೀಯ ನೆರವು ಹೊಂದಿರುವ 10 ವಿಮಾನಗಳನ್ನು ಗಾಝಾಕ್ಕೆ ಎಲ್ ಅರಿಶ್ ವಿಮಾನ ನಿಲ್ದಾಣಕ್ಕೆ ಕಳುಹಿಸಿದೆ ಎಂದು ಅವರು ಹೇಳಿದರು.
ಗಾಝಾದಿಂದ ಕ್ಯಾನ್ಸರ್ ಹೊಂದಿರುವ ಮಕ್ಕಳನ್ನು ತೆಗೆದುಕೊಳ್ಳಲು ಟರ್ಕಿ ಸಿದ್ಧವಾಗಿದೆ
ಟರ್ಕಿಯ ಆರೋಗ್ಯ ಸಚಿವ ಫಹ್ರೆಟಿನ್ ಕೋಕಾ ಅವರು ತಮ್ಮ ದೇಶವು ಗಾಝಾದಲ್ಲಿ ಕ್ಯಾನ್ಸರ್ ಹೊಂದಿರುವ ಮಕ್ಕಳನ್ನು ತೆಗೆದುಕೊಳ್ಳಲು ಮತ್ತು ಚಿಕಿತ್ಸೆ ನೀಡಲು ಸಿದ್ಧವಾಗಿದೆ ಎಂದು ಹೇಳಿರುತ್ತಾರೆ.
ಇಸ್ರೇಲಿ ಸಹವರ್ತಿ ಯುರಿಯಲ್ ಮೆನಾಚೆಮ್ ಬುಸೊ ಅವರೊಂದಿಗೆ ದೂರವಾಣಿ ಕರೆ ಕುರಿತು ಮಾತನಾಡಿದ ಕೋಕಾ, ಗಾಝಾದಲ್ಲಿ ಕ್ಯಾನ್ಸರ್ ಚಿಕಿತ್ಸೆ ನೀಡುವ ಏಕೈಕ ಆಸ್ಪತ್ರೆ ಇನ್ನು ಮುಂದೆ ಕಾರ್ಯನಿರ್ವಹಿಸುವುದಿಲ್ಲ ಎಂದು ಹೇಳಿದರು.
“ಮುಗ್ಧ ಮಕ್ಕಳಿಗೆ ಚಿಕಿತ್ಸೆ ನೀಡುವುದನ್ನು ಮುಂದುವರಿಸುವ ನಮ್ಮ ಅಗತ್ಯವನ್ನು ನಾನು ಅವನಿಗೆ ನೆನಪಿಸಿದೆ” ಎಂದು ಕೋಕಾ ಹೇಳಿದರು. “ನಾವು ಬಲಿಪಶುಗಳಿಗೆ, ವಿಶೇಷವಾಗಿ ಮಕ್ಕಳನ್ನು ಈಜಿಪ್ಟ್‌ಗೆ ಆಂಬ್ಯುಲೆನ್ಸ್‌ಗಳ ಮೂಲಕ ಮತ್ತು ನಂತರ ಏರ್ ಆಂಬ್ಯುಲೆನ್ಸ್ ಮೂಲಕ ಟರ್ಕಿಗೆ ಕರೆದೊಯ್ಯಲು ಸಿದ್ಧರಿದ್ದೇವೆ ಎಂದು ನಾನು ಒತ್ತಿಹೇಳಿದೆ. ನಾವು ಆದಷ್ಟು ಬೇಗ ಕ್ಯಾನ್ಸರ್ ರೋಗಿಗಳನ್ನು ಟರ್ಕಿಗೆ ಸಾಗಿಸಲು ಪ್ರಾರಂಭಿಸುತ್ತೇವೆ ಎಂದು ಹೇಳಿದ್ದಾರೆ.
ಇನ್ನಷ್ಟು ವರದಿಗಳು
ದಕ್ಷಿಣ ಲೆಬನಾನ್ ಮೇಲೆ ಇಸ್ರೇಲ್ ದಾಳಿ,ಇಸ್ರೇಲ್ ಗುರಿಯಾಗಿಸಿ ಇಝ್‌ ಬುಲ್ಲಾ ರಾಕೆಟ್ ಪ್ರತಿದಾಳಿ.
ಒಲಿಂಪಿಕ್ ಸ್ಪರ್ಧೆ: ವಿನೇಶ್ ಫೋಗಟ್ ಅನರ್ಹ, ಪ್ಯಾರಿಸ್ ಭಾರ ಕುಸ್ತಿಯಲ್ಲಿ ಪದಕ ರಹಿತ.
ಶೇಖ್ ಹಸೀನಾ ರಾಜೀನಾಮೆ: ಮಾಜಿ ಬಾಂಗ್ಲಾ ಪ್ರಧಾನಿ ಶೇಖ್ ಹಸೀನಾ ಗುಪ್ತ ಏರ್‌ಬೇಸ್‌ನಲ್ಲಿ ಎನ್‌ಎಸ್‌ಎ ಅಜಿತ್ ದೋವಲ್ ರನ್ನು ಭೇಟಿ.