1993 ರ ಓಸ್ಲೋ ಒಪ್ಪಂದದ ಪ್ರಮುಖ ರೂವಾರಿಯಾಗಿದ್ದ ನಾರ್ವೇಜಿಯನ್ ರಾಜತಾಂತ್ರಿಕ ಅಧಿಕಾರಿ, ದಿವಂಗತ ಲೈಂಗಿಕ ಅಪರಾಧಿ ಮತ್ತು ಆಗರ್ಭ ಶ್ರೀಮಂತ ಜೆಫ್ರಿ ಎಪ್ಸ್ಟೀನ್ ಅವರೊಂದಿಗೆ ಆಂತರಿಕ ವಲಯದಲ್ಲಿ ಆಳವಾಗಿ ಶಾಮೀಲಾಗಿದ್ದಾರೆ ಎಂದು ಹೊಸ ದಾಖಲೆಗಳು ಬಹಿರಂಗಪಡಿಸಿದ ನಂತರ ಭ್ರಷ್ಟಾಚಾರ ಮತ್ತು ಬ್ಲ್ಯಾಕ್ಮೇಲ್ ಆರೋಪಗಳ ಬಹು ವಿವಾದವೇ ಸೃಷ್ಟಿಯಾಗಿದೆ.
1990 ರ ದಶಕದಲ್ಲಿ ಮಧ್ಯಪ್ರಾಚ್ಯ “ಶಾಂತಿ ಪ್ರಕ್ರಿಯೆ”ಯ ಕೇಂದ್ರ ವ್ಯಕ್ತಿಯಾಗಿದ್ದ ಟೆರ್ಜೆ ರಾಡ್-ಲಾರ್ಸೆನ್, ಹೊಸದಾಗಿ ಬಿಡುಗಡೆಯಾದ ಯುನೈಟೆಡ್ ಸ್ಟೇಟ್ಸ್ ನ್ಯಾಯ ಇಲಾಖೆಯ ಫೈಲ್ಗಳು ಮತ್ತು ನಾರ್ವೇಜಿಯನ್ ಮಾಧ್ಯಮ ತನಿಖೆಗಳಲ್ಲಿ ಭಾಗಿಯಾಗಿದ್ದಾರೆ, ಇದು ಅಕ್ರಮ ಸಾಲಗಳು, ಲೈಂಗಿಕ ಕಳ್ಳಸಾಗಣೆಗೊಳಗಾದ ಮಹಿಳೆಯರಿಗೆ ವೀಸಾ ವಂಚನೆ ಮತ್ತು ಎಪ್ಸ್ಟೀನ್ನ ಲಕ್ಷಾಂತರ ಡಾಲರ್ ಮೌಲ್ಯದ ವಿಲ್ನಲ್ಲಿನ ಫಲಾನುಭವಿ ಷರತ್ತನ್ನು ಬಹಿರಂಗಪಡಿಸುತ್ತದೆ.
“ಈ ಬಹಿರಂಗಪಡಿಸುವಿಕೆಯು ರಾಜತಾಂತ್ರಿಕ ಸಮುದಾಯದಲ್ಲಿ ಆಘಾತದ ಬೆಳವಣಿಗೆಗಳನ್ನು ಉಂಟುಮಾಡಿದೆ ಮತ್ತು ಓಸ್ಲೋ ಮಾತುಕತೆಗಳಲ್ಲಿ ಪ್ರಮುಖ ವ್ಯಕ್ತಿಯಾಗಿದ್ದ ರಾಡ್-ಲಾರ್ಸೆನ್ ಅವರ ಪತ್ನಿ ಮೋನಾ ಜುಲ್ ಅವರು ಈ ತಿಂಗಳು ಜೋರ್ಡಾನ್ ಮತ್ತು ಇರಾಕ್ಗೆ ನಾರ್ವೆಯ ರಾಯಭಾರಿ ಹುದ್ದೆಯಿಂದ ರಾಜೀನಾಮೆ ನೀಡಲು ಕಾರಣವಾಯಿತು. ಅವರ ಭದ್ರತಾ ಅನುಮತಿಯನ್ನು ಸಹ ರದ್ದುಪಡಿಸಲಾಗಿದೆ.
ಅತ್ಯುನ್ನತರರ ಬ್ಲ್ಯಾಕ್ಮೇಲ್ ಮತ್ತು ವಿದೇಶಿ ಗುಪ್ತಚರ ಒತ್ತಡಕ್ಕೆ ಗುರಿಯಾಗುವ ಮಧ್ಯವರ್ತಿಯಿಂದ ಓಸ್ಲೋದ ಎರಡು-ರಾಜ್ಯ ಪರಿಹಾರದ ಮೂಲ ಒಪ್ಪಂದಗಳು ಮಧ್ಯವರ್ತಿಯಿಂದ ಪುನರ್ ಮಧ್ಯಸ್ತಿಕೆಯಾಗಿವೆಯೇ ಎಂದು ಪ್ಯಾಲೇಸ್ಟಿನಿಯನ್ ನಾಯಕರು ಈಗ ಪ್ರಶ್ನಿಸುತ್ತಿದ್ದಾರೆ.
ಆ ಸಮಯದಲ್ಲಿ ಪಾಶ್ಚಿಮಾತ್ಯ ಜಗತ್ತಿನಲ್ಲಿ ಈ ಯೋಜನೆಯನ್ನು ಘೋಷಿಸಲಾಯಿತು, ಮತ್ತು ನಂತರದ 30 ವರ್ಷಗಳಲ್ಲಿ, ಸತತ ಇಸ್ರೇಲಿ ಸರ್ಕಾರಗಳು ಇದನ್ನು ತುಳಿದಿವೆ, ಈಗ ತೀವ್ರ ಬಲಪಂಥೀಯ ನಾಯಕತ್ವವು ಆಕ್ರಮಿತ ಪಶ್ಚಿಮ ದಂಡೆಯನ್ನು ಸ್ವಾಧೀನಪಡಿಸಿಕೊಳ್ಳಲು ಬಹಿರಂಗವಾಗಿ ಒತ್ತಾಯಿಸುತ್ತಿದೆ.
ಫೈಲ್ಗಳ ಪ್ರಕಾರ, ರಾಡ್-ಲಾರ್ಸೆನ್ ಎಪ್ಸ್ಟೀನ್ ಪಕ್ಷದಲ್ಲಿರುವ ರಷ್ಯಾದ ಯುವತಿಯರಿಗೆ ವೀಸಾಗಳನ್ನು ಪಡೆಯಲು ಅಮೆರಿಕ ಅಧಿಕಾರಿಗಳಿಗೆ ಅಧಿಕೃತ ಶಿಫಾರಸು ಪತ್ರಗಳನ್ನು ಬರೆದ್ದಿದ್ದಾರೆ, ಅವರು ಸಂಶೋಧನಾ ಸ್ಥಾನ ಗಳಿಗೆ ಸೂಕ್ತವಾದ “ಅಸಾಧಾರಣ ಸಾಮರ್ಥ್ಯಗಳನ್ನು” ಹೊಂದಿದ್ದಾರೆಂದು ಹೇಳಿಕ ನೀಡಿದ್ದಾರೆ.
ವಾಸ್ತವದಲ್ಲಿ, ಈ ಮಹಿಳೆಯರು ಸಾಮಾನ್ಯವಾಗಿ ಯಾವುದೇ ಶೈಕ್ಷಣಿಕ ಹಿನ್ನೆಲೆಯಿಲ್ಲದ ಮಾಡೆಲ್ಗಳಾಗಿದ್ದರು ಮತ್ತು ಹಣಕಾಸುದಾರರಿಂದ ಕಳ್ಳಸಾಗಣೆ ಮತ್ತು ನಿಂದನೆಗೆ ಒಳಗಾಗಿದ್ದರು ಎಂದು ಆರೋಪಿಸಲಾಗಿದೆ. ಒಬ್ಬ ಸಂತ್ರಸ್ತೆ ಎನ್ ಆರ್ ಕೆ ಗೆ ಎಪ್ಸ್ಟೀನ್ ತನ್ನನ್ನು “ಕುಶಲತೆಯಿಂದ” ರಾಡ್-ಲಾರ್ಸೆನ್ ಸಂಸ್ಥೆಗೆ ಕಳುಹಿಸಿದ್ದಾರೆಂದು ನಂಬಿದ್ದಾಗಿ ಹೇಳಿದರು, ಆದರೆ ಇನ್ನೊಬ್ಬರು ಎಪ್ಸ್ಟೀನ್ ಅವರ ಸಹಾಯಕರ ನೇರ ವಿನಂತಿಯ ನಂತರ ರಾಯಭಾರಿ ತನ್ನ ವೀಸಾವನ್ನು ಹೇಗೆ ಸುಗಮಗೊಳಿಸಿದನು ಎಂಬುದನ್ನು ವಿವರಿಸಿದ್ದಾರೆ.
ಇವರ ಮಧ್ಯೆಗೀನ ಸಂಬಂಧದ ವಹಿವಾಟಿನ ಸ್ವರೂಪ ಸ್ಪಷ್ಟವಾಗಿತ್ತು. 2013 ರಲ್ಲಿ ಎಪ್ಸ್ಟೀನ್ ರಾಡ್-ಲಾರ್ಸೆನ್ಗೆ $130,000 ಸಾಲ ನೀಡಿದ್ದಾಗಿ ದಾಖಲೆಗಳು ತೋರಿಸುತ್ತವೆ. ಹೆಚ್ಚು ದುಃಖಕರವೆಂದರೆ, ಎಪ್ಸ್ಟೀನ್ನ ಕೊನೆಯ ವಿಲ್ ಮತ್ತು ಟೆಸ್ಟ್ಮೆಂಟ್ನಲ್ಲಿ ರಾಡ್-ಲಾರ್ಸೆನ್ನ ಇಬ್ಬರು ಮಕ್ಕಳಿಗೆ ತಲಾ $5 ಮಿಲಿಯನ್ – ಒಟ್ಟು $10 ಮಿಲಿಯನ್ ನೀಡುವ ಷರತ್ತು ಸೇರಿದೆ ಎಂದು ವರದಿಗಳು ಸೂಚಿಸಿವೆ
ರಾಡ್-ಲಾರ್ಸೆನ್ ರೂಪಿಸಿದ ವಿಫಲ ಒಪ್ಪಂದಗಳ ವಾಸ್ತವದಡಿಯಲ್ಲಿ ವಾಸಿಸುವ ಪ್ಯಾಲೆಸ್ಟೀನಿಯನ್ನರಿಗೆ, ಈ ಹಗರಣವು “ಶಾಂತಿ ಪ್ರಕ್ರಿಯೆ”ಗೆ ಒಂದು ಗೊಂದಲಮಯ ವಿವರಣೆಯನ್ನು ನೀಡುತ್ತದೆ, ಇದನ್ನು ಹಲವರು ಮೋಸಗೊಳಿಸಲಾಗಿದೆ ಎಂದು ಕೂಡ ದೃಢವಾಗಿ ನಂಬಲಾಗಿದೆ.
ಪ್ಯಾಲೆಸ್ಟೀನಿಯನ್ ರಾಷ್ಟ್ರೀಯ ಉಪಕ್ರಮದ ರಾಜಕೀಯ ಪಕ್ಷದ ಪ್ರಧಾನ ಕಾರ್ಯದರ್ಶಿ ಮುಸ್ತಫಾ ಬರ್ಘೌಟಿ, ಭ್ರಷ್ಟಾಚಾರದ ಆರೋಪಗಳ ನಂತರ ಈ ಬಗ್ಗೆ “ಯಾವುದೇ ಆಶ್ಚರ್ಯವಿಲ್ಲ” ಎಂದು ಅಲ್ ಜಜೀರಾ ಮಾಧ್ಯಮಕ್ಕೆ ತಿಳಿಸಿದ್ದಾರೆ.
“ನಾವು ಈ ವ್ಯಕ್ತಿಯೊಂದಿಗೆ ಮೊದಲ ಕ್ಷಣದಿಂದಲೇ ಎಂದಿಗೂ ಆರಾಮದಾಯಕವಾಗಿರಲಿಲ್ಲ” ಎಂದು ಬರ್ಘೌಟಿ ಹೇಳಿದರು. “ಓಸ್ಲೋ ಒಂದು ಬಲೆಯಾಗಿತ್ತು … ಮತ್ತು ಟೆರ್ಜೆ ರಾಡ್-ಲಾರ್ಸೆನ್ ಇಸ್ರೇಲಿ ಕಡೆಯಿಂದ ಪರಿಣಾಮಕಾರಿಯಾಗಿ ಪ್ರಭಾವಿತರಾಗಿದ್ದರು ಎಂಬುದರಲ್ಲಿ ನನಗೆ ಯಾವುದೇ ಸಂದೇಹವಿಲ್ಲ.” ಎಂದಿದ್ದಾರೆ.
ಎಪ್ಸ್ಟೀನ್ನಂತಹ ಮೊಸಾದ್ಗೆ ಸಂಬಂಧಿಸಿದ ವ್ಯಕ್ತಿಯಿಂದ ರಾಡ್-ಲಾರ್ಸೆನ್ ಕುಟುಂಬಕ್ಕೆ ಲಕ್ಷಾಂತರ ಡಾಲರ್ಗಳು ಸಂಭಾವ್ಯವಾಗಿ ಹರಿಯುತ್ತಿವೆ ಎಂಬ ಬಹಿರಂಗಪಡಿಸುವಿಕೆಯು ಭ್ರಷ್ಟಾಚಾರವನ್ನು “ಪ್ಯಾಲೆಸ್ಟೀನಿಯನ್ ಜನರ ಹಿತಾಸಕ್ತಿಗಳ ವಿರುದ್ಧ ಇಸ್ರೇಲ್ನ ಹಿತಾಸಕ್ತಿಗಳನ್ನು ಪೂರೈಸಲು ನಿರ್ದೇಶಿಸಲಾಗಿದೆ” ಎಂದು ಸೂಚಿಸುತ್ತದೆ ಎಂದು ಬರ್ಘೌಟಿ ವಾದಿಸಿದ್ದಾರೆ.
ಲಕ್ಷಾಂತರ ದಾಖಲೆಗಳ ಬಿಡುಗಡೆಯ ನಂತರ ಅವಮಾನಿತ ಎಪ್ಸ್ಟೀನ್ ಮತ್ತು ಇಸ್ರೇಲ್ ನಡುವಿನ ಸಂಬಂಧಗಳು ತೀವ್ರವಾಗಿ ಗಮನಕ್ಕೆ ಬಂದಿವೆ.
ಮಾಜಿ ಇಸ್ರೇಲಿ ಪ್ರಧಾನಿ ಎಹುದ್ ಬರಾಕ್ ಸೇರಿದಂತೆ ಜಾಗತಿಕ ಗಣ್ಯರ ಸದಸ್ಯರೊಂದಿಗೆ ಎಪ್ಸ್ಟೀನ್ ನಡೆಸಿದ ಸಂವಹನಗಳ ಕುರಿತು ಹೆಚ್ಚಿನ ವಿವರಗಳನ್ನು ದಾಖಲೆಗಳು ಬಹಿರಂಗಪಡಿಸಿವೆ. ಆದರೆ ಫ್ರೆಂಡ್ಸ್ ಆಫ್ ದಿ ಐಡಿಎಫ್ (ಇಸ್ರೇಲಿ ಸೈನ್ಯ) ಮತ್ತು ವಸಾಹತುಗಾರರ ಸಂಘಟನೆಯಾದ ಯಹೂದಿ ರಾಷ್ಟ್ರೀಯ ನಿಧಿ ಸೇರಿದಂತೆ ಇಸ್ರೇಲಿ ಗುಂಪುಗಳಿಗೆ ಅವರು ನೀಡಿದ ಹಣಕಾಸು ಹಾಗೂ ಇಸ್ರೇಲ್ನ ಸಾಗರೋತ್ತರ ಗುಪ್ತಚರ ಸೇವೆಗಳಾದ ಮೊಸಾದ್ನೊಂದಿಗಿನ ಅವರ ಸಂಬಂಧಗಳನ್ನು ಅವು ದಾಖಲಿಸುತ್ತವೆ.
“ಈ ಹಗರಣವು ನಾರ್ವೆಯಲ್ಲಿ 1993 ರ ರಹಸ್ಯ ಮಾತುಕತೆಗಳಿಗೆ ಸಂಬಂಧಿಸಿದಂತೆ ರಾಡ್-ಲಾರ್ಸೆನ್ ಇಟ್ಟುಕೊಂಡಿದ್ದ “ಖಾಸಗಿ ಆರ್ಕೈವ್” ಅನ್ನು ತೆರೆಯಲು ಕರೆಗಳನ್ನು ಮತ್ತೆ ಹುಟ್ಟುಹಾಕಿದೆ.
1993 ರ ಜನವರಿ ಮತ್ತು ಸೆಪ್ಟೆಂಬರ್ ನಡುವಿನ ನಿರ್ಣಾಯಕ ಅವಧಿಯ ದಾಖಲೆಗಳು ಅಧಿಕೃತ ವಿದೇಶಾಂಗ ಸಚಿವಾಲಯದ ಆರ್ಕೈವ್ನಿಂದ ಕಾಣೆಯಾಗಿವೆ ಎಂದು ಮಾಧ್ಯಮ ತನಿಖೆಗಳು ಬಹಿರಂಗಪಡಿಸಿವೆ. ರಹಸ್ಯ ಮಾತುಕತೆಗಳ ಸಮಯದಲ್ಲಿ ಪ್ಯಾಲೆಸ್ಟೀನಿಯನ್ ನಾಯಕತ್ವದಿಂದ ಪಡೆದ ರಿಯಾಯಿತಿಗಳಲ್ಲಿ ವೈಯಕ್ತಿಕ ಹತೋಟಿ ಅಥವಾ ಬ್ಲ್ಯಾಕ್ಮೇಲ್ ಎಷ್ಟರ ಮಟ್ಟಿಗೆ ಪಾತ್ರ ವಹಿಸಿದೆ ಎಂಬುದನ್ನು ಈ ಕಾಣೆಯಾದ ಫೈಲ್ಗಳು ಮರೆಮಾಡಬಹುದು ಎಂದು ವಿಮರ್ಶಕರು ವಾದಿಸುತ್ತಾರೆ.
ರಾಡ್-ಲಾರ್ಸೆನ್ ಪ್ರಕರಣವು ವ್ಯವಸ್ಥಿತ ಬ್ಲ್ಯಾಕ್ಮೇಲ್ ಮತ್ತು ಗುಪ್ತಚರ ಕಾರ್ಯಾಚರಣೆಗಳಿಂದ ನಡೆಸಲ್ಪಡುವ ವಿಶಾಲವಾದ ಜಾಗತಿಕ ಆಡಳಿತ ವ್ಯವಸ್ಥೆಯ ಲಕ್ಷಣವಾಗಿದೆ ಎಂದು ವಿಶ್ಲೇಷಕರು ವಾದಿಸುತ್ತಾರೆ.
ಗಾಜಾದಲ್ಲಿ ನೆಲೆಸಿರುವ ರಾಜಕೀಯ ವಿಶ್ಲೇಷಕ ವಿಸ್ಸಾಮ್ ಅಫಿಫಾರವರು ಈ ಬಗ್ಗೆ ಹೇಳುತ್ತಾ, ಎಪ್ಸ್ಟೀನ್ ದ್ವೀಪದಲ್ಲಿ ಅಪ್ರಾಪ್ತ ವಯಸ್ಕರ ಮೇಲಿನ ದೌರ್ಜನ್ಯ, ಶೋಷಣೆ ಮತ್ತು ಪ್ಯಾಲೆಸ್ಟೀನಿಯನ್ನರ ಭೌಗೋಳಿಕ ರಾಜಕೀಯ ವರ್ತನೆಯ ನಡುವೆ ಸಮಾನಾಂತರವನ್ನು ಚಿತ್ರಿಸಿದ್ದಾರೆ.
“ನಾವು, ಪ್ಯಾಲೆಸ್ಟೀನಿಯನ್ನರು, ಅಪ್ರಾಪ್ತ ವಯಸ್ಕರಂತೆ ಪರಿಗಣಿಸಲ್ಪಟ್ಟಿದ್ದೇವೆ … ನಮ್ಮ ಹಕ್ಕುಗಳನ್ನು ಬೇಡುವ ಹಕ್ಕನ್ನು ನಾವು ಹೊಂದಿಲ್ಲ ಎಂದು ಪರಿಗಣಿಸಲಾಗಿದೆ” ಎಂದು ಅಫಿಫಾ ಹೇಳಿದರು. “ಇಂದು ನಾವು ಅಂತರರಾಷ್ಟ್ರೀಯ ವ್ಯವಸ್ಥೆಯ ಬಹುಪಾಲು ಭಾಗವು ಮೂಲಭೂತವಾಗಿ ‘ಎಪ್ಸ್ಟೀನ್ ದ್ವೀಪ’ ಎಂದು ಕಂಡುಕೊಂಡಿದ್ದೇವೆ”.
ಗಾಜಾದ ಮೇಲಿನ ಪ್ರಸ್ತುತ ನರಮೇಧ ವಿಧದ ಯುದ್ಧದ ಕುರಿತು ಅಂತರರಾಷ್ಟ್ರೀಯ ಸಮುದಾಯದ “ಮೌನ”ವು ಇದೇ ರೀತಿಯ ಪ್ರಭಾವ ಮತ್ತು ಸುಲಿಗೆ ಜಾಲಗಳಿಗೆ ಸಂಬಂಧಿಸಿರಬಹುದು ಎಂದು ಅಫೀಫಾ ಸೂಚಿಸಿದರು
ಜಗತ್ತನ್ನು ಎಪ್ಸ್ಟೀನ್ನ ದ್ವೀಪದಿಂದ … ಕತ್ತಲೆಯ ಕೋಣೆಗಳಲ್ಲಿ ನಿರ್ವಹಿಸಲಾಯಿತು,” ಅಫೀಫಾ ರವರು ಮುಂದುವರಿದು ಅಭಿಪ್ರಾಯ ಪಟ್ಟಿದೆ ನಾವು ಎಪ್ಸ್ಟೀನ್ ರಾಜಕಾರಣಿಗಳು, ನಾಯಕರು ಮತ್ತು ರಾಜ್ಯಗಳೊಂದಿಗೆ ನಿರ್ವಹಿಸಿದ ಪ್ರಭಾವ ಜಾಲದ ಸಂತ್ರಸ್ತರಾಗಿದ್ದೇವೆ.
ಆರ್ಥಿಕ ಅಪರಾಧ ಘಟಕ ಒಕೊಕ್ರಿಮ್ ಸೇರಿದಂತೆ ನಾರ್ವೇಜಿಯನ್ ಅಧಿಕಾರಿಗಳು ಹಗರಣದ ತನಿಖೆಗಳನ್ನು ತೆರೆಯುತ್ತಿದ್ದಂತೆ, ಒಮ್ಮೆ ಶ್ವೇತಭವನದ ಹುಲ್ಲುಹಾಸಿನ ಮೇಲೆ ಕೈಕುಲುಕಿದ ರಾಜತಾಂತ್ರಿಕರ ಪರಂಪರೆಯು ಈಗ ಛಿದ್ರಗೊಂಡಿದೆ, ಇದು ಆಳವಾಗಿ ದೋಷಪೂರಿತ ಮಧ್ಯಪ್ರಾಚ್ಯ ಶಾಂತಿ ಸ್ಥಾಪನೆಯ ಇತಿಹಾಸದ ಮೇಲೆ ದೀರ್ಘಕಾಲಿಕ ನೆರಳನ್ನು ಬೀರುತ್ತದೆ.
ಇನ್ನಷ್ಟು ವರದಿಗಳು
ಬ್ರಿಟನ್,ಸ್ಟಾರ್ಮರ್ ಎಪ್ಸ್ಟೀನ್ ವಿವಾದ: ಶಬಾನಾ ಮಹಮೂದ್ ಪ್ರಪ್ರಥಮ ಮುಸ್ಲಿಮ್ ಮಹಿಳಾ ಪ್ರಧಾನಿ ಸಾಧ್ಯತೆ?
ಫೆಲೆಸ್ಟಿನ್ ಪರ ಬ್ರಿಟಿಷ್: ಇಸ್ರೇಲಿ ಶಸ್ತ್ರಾಸ್ತ್ರ ಕಾರ್ಖಾನೆ ವಿರೋಧಿ ನಡೆ ವಿಚಾರಣೆಯಲ್ಲಿ ಆರು ಜನರ ನಿರ್ದೋಷಿತ್ವ ಘೋಷಣೆ.
ಟ್ರಂಪ್ ಪ್ರಾಯೋಜಿತ ಬೋರ್ಡ್ ಆಫ್ ಪೀಸ್ : ವಿಶ್ವಸಂಸ್ಥೆಗೆ ಪರ್ಯಾಯವೇ?.